Tíðindi

Nakrir av gittarnæmingunum hjá Bo Isholm framførdu á einari lítlari konsert í Framtíðini í Vági í síðsta mánað. Fleiri teirra hava ikki gingið so leingi til gittar, og vóru óførir at bæði framføra sjálvir og spæla saman við øðrum. Ein hugnalig løta hjá næmingum og foreldrum.

 

 

 

Gittar- og klavernæmingar úr Suðuroyar Musikkskúla framførdu so lystiliga í Hvalbiar Skúla í síðstu viku. Skúlin helt eina evnisviku, sum nevndist Utopia, har næmingarnir sluppu at royna vaksnamannalívið, tí skúlastovurnar vóru gjørdur um til bankar, matstovur og annað. Eitt læruríkt og frálíkt tiltak.

 

 

 

 

musikkskulin

Suðuroyar Musikkskúli ger vart við, at í løtuni eru tøk pláss til næmingar í hesum ljóðførum: Gittar, tvørfloyta, klarinett, trombone, saksofon, trumpet, kornet, althorn, baryton, euphonium, tuba.

Meira fæst at vita á heimasíðuni sumus.fo, har tilmelding eisini fer fram.

Suðuroyar Musikkskúli hevði eina stak hugnaliga og væleyðnaða jólakonsert í skúlanum í Trongisvági 6. desember. Okkara óføru næmingar spældu jólasangir av ymsum slagi, bæði sum solistar og í bólkum. Eisini áhoyrarnir fingu brúkt røddina í felagssangunum og aftaná var jólahugni við kaffi og køkum. Hjartans takk øll tit mongu sum komu at líða á, hjálpa til og syngja við, og ikki minst takk til okkara dugnaligu næmingar sum vóru røsk og fitt í allar mátar! 🙂

Fimm óførir næmingar og lærarar teirra framførdu ljómandi blásaratónleik í Sumba í dag, tá minnisvarði teirra sjólatnu varð vígdur og avdúkaður. Eitt hugnaligt og væleyðnað tiltak.

img_4556

img_4559

img_4563

img_4567

Suðuroyar Musikkskúli hevur sett Kára Jacobsen sum nýggjan leiðara. Kári er útbúgvin á Det Kgl. Danske Musikkonservatorium í Keypmannahavn og hevur drúgvar royndir sum tónleikalærari, tónasmiður, fyriskipari og framleiðari bæði í Føroyum, í Keypmannahavn og aðrastaðni uttanlanda. Hann starvast eisini m.a. sum klaverlærari í Suðuroy.

Í eina tíð hevur Suðuroyar Musikkskúli verið uttan leiðara, av tí at ivamál hava verið um setanartilgongdina. Men úr musikkskúlanevndini verður sagt, at nú verður hugt frameftir og at tey fegnast um at leiðaraviðurskiftini loksins eru komin í rætt lag.

Tey, ið ynskja at ganga til eitt ljóðføri, kunnu melda seg til á heimasíðuni hjá Suðuroyar Musikkskúla sumus.fo, sum í næstum verður dagførd.

Týsdagin 24. mei kl. 19 verður summarkonsertin hjá Musikkskúlanum í Suðuroy hildin á Seglloftinum á Tvøroyri. Fyri næmingar og familjur teirra er matur og hugni frá kl. 17.30, meldið tykkum til hetta við at ringja til Kára á 22 33 42. Næmingar eta ókeypis, fyri onnur er prísurin 70 kr. Tilmeldingarfreistin er fríggjadagin 20. mei. Sjálva konsertin kl. 19 er fyri øll og krevur ikki tilmelding.